अभिनेत्री शिल्पा शेट्टीचा पती राज कुंद्राच्या अडचणीत वाढ झाली आहे. पोर्नोग्राफिक चित्रपट तयार करणे आणि ते काही अ‍ॅप्सच्या माध्यमातून प्रकाशित करण्याच्या प्रकरणात गुन्हे शाखेने उद्योगपती राज कुंद्राला अटक केली आहे. यामध्ये तो मुख्य सूत्रधार असल्याचे दिसून येत आहे. आमच्याकडे या संदर्भात पुरेसे पुरावे असल्याचे मुंबई पोलिस आयुक्तांनी सांगितले आहे.दरम्यान, पोर्नोग्राफी प्रकरणात मुंबई पोलिसांच्या गुन्हे शाखेला आणखी एक यश मिळाले आहे. राज कुंद्रा नंतर आता रायन थार्प नावाच्या व्यक्तीला अटक करण्यात आली आहे. त्याला गुन्हे शाखेच्या पथकाने नेरुळ भागातून अटक केली.

सोमवारी रात्री शिल्पा शेट्टी कुंद्रा यांचे पती आणि प्रसिद्ध व्यापारी राज कुंद्रा यांना गुन्हे शाखेने अटक केली. राज कुंद्रावर अश्लील चित्रपट बनवण्याचा आणि काही अ‍ॅप्सवर दाखवल्याचा आरोप आहे. त्याचबरोबर मुंबई पोलिस आयुक्त म्हणतात की पोलिसांकडेही पुरेसे पुरावे आहेत. त्याच्या गुन्हे शाखेच्या मालमत्ता कक्षाने अश्लील कृत्य केल्याप्रकरणी राज कुंद्रा यांच्यासह एकूण 11 जणांना आतापर्यंत अटक करण्यात आल्याची माहिती मुंबई पोलिसांनी दिली आहे. हा व्हिडिओ अपलोड करणार्‍या उमेश कामथलाही मुंबई पोलिसांनी अटक केली आहे. 2021 फेब्रुवारीमध्ये मुंबईत गुन्हे शाखेने अश्लील चित्रपट (soft pornography film) बनविण्याबद्दल आणि काही अ‍ॅप्सच्या माध्यमातून प्रकाशित केल्याबद्दल गुन्हा दाखल केला होता. याच्या तपासणीत राज कुंद्रा यांचे नाव समोर आले आहे. त्यानंतर या प्रकरणात सोमवारी रात्री कुंद्रा याला पोलिसांनी अटक केली. तसेच व्हिडिओ अपलोड करणाऱ्या उमेश कामथ (Umesh Kamath) यालाही पोलिसांनी अटक केली आहे.

गुन्हे शाखेच्या एफआयआरनुसार राज कुंद्रा हा या प्रकरणातील मुख्य सूत्रधार आहे. याप्रकरणी पोलिसांनी फेब्रुवारी महिन्यातच गुन्हा दाखल केला होता आणि आता राज कुंद्रा याला अटक करण्यात आली आहे. रात्री उशिरा पोलिसांनी त्याचे मेडिकल केले आणि आता कुंद्राला कोर्टात हजर केले जाणार आहे.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.