विक्रमगड: ग्रुप ग्रामपंचायत ओंदे अंतर्गत येणाऱ्या नाली पाडा येथील पुलाची चार महिन्यापुर्वी दुरुस्ती करण्यात आली होती. ही दुरुस्ती निकृष्ट दर्जाची असल्याने. चार महिन्यात या पुलाची दुरावस्था झाली आहे. हा पुल जिल्हा परीषद अंतर्गत बांधण्यात आला आहे. या आधी ही या पुलावर जिल्हा परीषद अंतर्गत पुल दुरुस्तीचे काम करण्यात आले आहे. असे असतांना पुन्हा या पुलावर चार महिन्यापुर्वी ग्रामपंचायत निधी मधुन दुरुस्तीचे काम करण्यात आल्याचे या बाबत येथील ग्रामस्थांनी या भागातील जिल्हा परिषद सदस्य गणेश कासट यांना तक्रार करताच त्यांनी तात्कळ याची दखल घेऊन पालघर जिल्हा परीषदच्या बांधकाम सभापती शितल धोडी पंचायत समिती सदस्य अंजली भोये यांच्या सोबत त्यांनी नाली पाडा येथील पुलाच्या निकृष्ट दर्जाच्या दुरुस्तीची केली पाहणी. निकृष्ट कामाची सखोल चौकशी करणार असल्याचे त्यांनी या वेळी सांगितले.

प्रतिक्रिया:-

मी या पुलाच्या दुरावस्थे बाबत पाहणी केली आहे. या पुलाचे खड्डे भरण्यास सांगितले आहे. या पुलाच्या दुरुस्तीवर किती खर्च झाला हे ग्रामपंचायत दप्तर बघितल्या नंतरच सांगता येईल.
-मनोज अंभोरे
(शाखा अभियंता, बांधकाम विभाग पंचायत समिती विक्रमगड)

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.