मुंबई :- तौक्ये चक्रीवादळामुळे (Tauktae Cyclone)कोकणात प्रचंड नुकसान झाले आहे. यापार्श्वभूमीवर मुख्यमंत्री उद्धव ठाकरे (Uddhav Thackeray) हे काल कोकण दौऱ्यावर होते . या चक्रीवादळाच्या पार्श्वभूमीवर विरोधी पक्ष भाजपकडून झालेल्या टीकेच्या पार्श्वभूमीवर मुख्यमंत्री उद्धव ठाकरे म्हणाले की, , “मी विरोधी पक्षाच्या टीकेला उत्तर देण्यासाठी येथे आलो नाही” “ठीक आहे, जर माझी भेट चार तासांची असते तर किमान मी परिस्थितीचा अभ्यास करण्यासाठी मैदानात जातो हेलिकॉप्टरमध्ये फोटो काढण्यासाठी नसल्याचे सांगत पंतप्रधान नरेंद्र मोदींना (Narendra Modi) टोला लगावला. मी स्वतः एक छायाचित्रकार असंही ते म्हणाले.

दरम्यान, चक्रीवादळा नंतर झालेल्या परिस्थितीची पाहणी करण्यासाठी ठाकरे यांनी शुक्रवारी कोकणातील रत्नागिरी आणि सिंधुदुर्ग जिल्ह्यांचा दौरा केला आणि दोन दिवसात पिकांच्या नुकसानीचा आढावा घेऊन पंचनामे पूर्ण करण्याचे निर्देश अधिकाऱ्यांना दिले.ठाकरे यांनी पंचनामे पूर्ण होताच मदतीसंदर्भात निर्णय घेणार असल्याचं सांगितलं आहे. यावेळी त्यांनी कोणत्या निकषानुसार मदत करायची हे आढावा घेतल्यानंतर ठरवलं जाईल असं स्पष्ट केले ..

मात्र, राज्यातील भाजप नेत्यांनी त्यांच्या भेटीच्या कालावधीत त्यांना लक्ष्य केले. फडणवीस आज देवगडच्या दौऱ्यावर असून त्यांनी बंदरावर येऊन मच्छिमारांच्या झालेल्या नुकसानीचा आढावा घेतला. यावेळी त्यांनी मुख्यमंत्र्यांना हा टोला लगावला. माजी मुख्यमंत्री देवेंद्र फडणवीस म्हणाले की, कोकणच्या “अवघ्या तीन तासांच्या” भेटीत ठाकरे राजकीय भाष्य करीत होते हे पाहून त्यांना आश्चर्य वाटले. मला राजकीय विषयांवर भाष्य करायचे नाही. पण मुख्यमंत्र्यांचा दौरा किती तासांचा आहे. केवळ तीन तासांचा दौरा आणि किती किलोमीटरचा दौरा हे मोजून सांगू का?, असा सवाल करतानाच पण मुख्यमंत्री आले हे ठिक झालं आहे, असंही ते म्हणाले. त्याचवेळी विधानपरिषदेचे विरोधी पक्षनेते प्रवीण दरेकर यांनी म्हटले की, चक्रीवादळामुळे अवघ्या तीन तासात झालेल्या नुकसानीबाबत मुख्यमंत्र्यांना कसे कळेल? तसेच विरोधी पक्षनेते कोकणवासीयांच्या बांधावर जाऊन त्यांना विचारपूस करतात.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.