पंतप्रधान नरेंद्र मोदींनी एका 10 वर्षांच्या लहान मुलीचा बालहट्ट पुरवला आहे. या चिमुकल्यानं पंतप्रधानांना भेटण्याची इच्छा व्यक्त केली होती आणि पंतप्रधानांनी वेळात वेळ काढून या मुलीचा बालहट्ट पुरवला आहे. ही चिमुकली दुसरी तिसरी कोणी नसून अहमदनगरचे खासदार डॉ. सुजय विखे पाटील यांची मुलगी आहे. गेल्या अनेक महिन्यांपासून चिमुकलीला पंतप्रधान मोदींना भेटण्याची इच्छा होती. पंतप्रधानांना भेटण्यासाठी या चिमुकलीने ई-मेल लिहिला होता.

पंतप्रधानांकडून आलेल्या मेलमध्ये लिहिले होते, ‘धावत ये बेटा…’ जेव्हा विखे पाटील कुटुंब संसदेत पोहोचले, तेव्हा पीएम मोदींचा पहिला प्रश्न होता की अनिशा कुठे आहे? त्यानंतर अनिशाने पीएम मोदींना भेटल्याबद्दल आनंद व्यक्त केला.

पंतप्रधान अनिशाला दहा मिनिटे भेटले. पंतप्रधानांनी तिला चॉकलेट दिले. अनिशाला पंतप्रधानांबद्दल जे काही प्रश्न होते, तिने त्यांना विचारले. अनिशाने पंतप्रधानांना विचारले. तुम्ही इथे बसता का?, हे तुमचे कार्यालय आहे का ?, हे कार्यालय किती मोठे आहे? ज्याला उत्तर देताना पीएम मोदी म्हणाले की हे माझे कायमचे कार्यालय नाही. तुम्ही इथे आलात म्हणून मी तुम्हाला भेटायला आलो.

मुलीने पंतप्रधानांना विचारले – तुम्ही राष्ट्रपती कधी बनणार?

जेव्हा पीएम मोदी उत्तर देत होते तेव्हा अनिशाने पुन्हा विचारले, तुम्ही गुजरातचे आहात का? तुम्ही राष्ट्रपती कधी व्हाल? यावर पंतप्रधान मोदी हसले. संसदेच्या व्यस्त वेळेत, पीएम मोदींनी वेळ काढून मुलीची एक छोटीशी इच्छा पूर्ण केली.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.