मुंबई : राज्य आणि देशात गेल्या काही आठवड्यापासून कोरोनाच्या संसर्गाने पुन्हा एकदा डोके वर काढले आहे. कोरोनाच्या या काळात भारतात आयपीएल स्पर्धा सुरु होती. मात्र स्पर्धेत कोरनाचा शिरकाव झाला आणि बीसीसीआयने उर्वरित स्पर्धा स्थगित करण्यात आली आहे. आयपीएलची स्पर्धा स्थगित झाल्याननंतर भारतीय क्रिकेट संघाचा कर्णधार विराट कोहली आपल्या घरी परतला आहे.

‘कोरोनाच्या दुसऱ्या लाटेशी आपला देश लढा देत आहे. यामुळेच टीम इंडियाचा कर्णधार विराट कोहली आणि त्याची पत्नी बॉलिवूड अभिनेत्री अनुष्का शर्मा कोविड -19 च्या लढ्यात लोकांच्या मदतीसाठी पुढे आले आहेत. विराट कोहलीने इंस्टाग्रामवर एक व्हिडीओ शेअर केला असून या व्हिडीओ मध्ये अनुष्का आणि विराट दोघेजण दिसत आहेत. या व्हिडीओद्वारे अनुष्का आणि विराट म्हणाले, ‘कोविड १९चा उद्रेक झाल्यापासून आपला देश कठीण काळातून जात आहे. आपल्या आरोग्य व्यवस्थांना आव्हान दिले जात आहे. आपल्याला एकत्र येऊन आपल्या भारताला मदत करण्याची गरज आहे आपल्या आरोग्य यंत्रणेला अनेक आव्हानांचा सामना करावा लागत आहे. आपल्या लोकांच्या समस्या पाहून मला दु:ख झाले. त्यामुळे गरजूंना मदत करण्यासाठी मी आणि विराटने #InThisTogether ही मोहिम सुरु केली आहे.’ या मोहिमेच्या माध्यमातून विराट आणि अनुष्का क्राऊड फंडिंगच्या मदतीने 7 कोटी रुपये जमा करतील. हे पैसे गरजुंच्या मदतीसाठी वापरले जातील. यात विराट आणि अनुष्काने स्वत: 2 कोटींचे योगदान दिले आहे. अनुष्का आणि विराटने याबाबत सोशल मीडिया पोस्टद्वारे माहिती दिली आहे.

#video कोरोना रुग्णांना मदतीचा हात देऊन विराट-अनुष्काने सुरु केले कॅम्पेन ; व्हिडीओ शेअर करत दिली माहिती pic.twitter.com/wCOa88T5hw

— Kaaltarang News Marathi (@kaaltarangnews) May 7, 2021

अनुष्का आणि विराट यांनी किट्टो या क्राऊड फंडिंग प्लॅटफॉर्मच्या सहयोगाने मोहिम सुरु केली आहे. सात दिवस ही मोहिम चालवली जाईल. यातून जमा झालेला निधी ACT ग्रांट्सकडे सोपवला जाईल. हा निधी गरजूंसाठी ऑक्सिजन, वैद्यकीय उपकरणे आणि लसीकरणाच्या सुविधा पुरवण्यासाठी वापरला जाईल. जीव वाचवण्यासाठी कोणतीही रक्कम फारच कमी नाही. परंतु या संघर्षासाठी आम्हाला आपल्या मदतीची आवश्यकता आहे. मी तुम्हा सर्वांना आमच्या चळवळीत सहभागी होण्याची विनंती करतो. चला आपला देश सुरक्षित आणि मजबूत ठेवण्यासाठी आपली भूमिका करू.धन्यवाद.’ असे म्हणत विराट आणि अनुष्काने या कॅम्पमध्ये सहभागी होण्याचे सर्वाना आवाहन केले आहे.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.