मुंबईः कोरोना संकटामुळे शिक्षण क्षेत्राच्या कारभारावर परिणाम झाला आहे. मात्र दहावीच्या विद्यार्थ्यांचे निकाल मूल्यमापन पद्धतीने तयार करुन १५ जुलै किंवा त्याच्या आसपासच्या तारखेला जाहीर केले जातील. विद्यार्थी ऑनलाइन पद्धतीने निकाल बघून महाविद्यालयीन शिक्षणासाठी ऑनलाइन पद्धतीनेच प्रवेश प्रक्रिया पूर्ण करतील. मुलांना दहावीचा निकाल ऑनलाइन पद्धतीने १५ जुलै किंवा त्याच्या आसपासच्या तारखेला बघता येईल, अशी माहिती महाराष्ट्र राज्य शिक्षण मंडळाचे अध्यक्ष दिनकर पाटील यांनी दिली. पुढील शैक्षणिक वर्षाला जास्त विलंब होऊ नये म्हणून निकाल १५ जुलै किंवा त्याच्या आसपासच्या तारखेला जाहीर करण्याचे नियोजन सुरू असल्याचे राज्य शिक्षण मंडळाचे अध्यक्ष दिनकर पाटील म्हणाले.

दरम्यान, ”मूल्यमापन कसं करायचं, प्रत्यक्ष कार्यपद्धती आणि त्याचे स्वरूप कसं असेल याचे प्रशिक्षण देण्याचे काम शैक्षणिक संस्थांनी सुरू केलं आहे. तसेच मूल्यमापन करण्यासाठी शिक्षण मंडळाला स्वतंत्र संगणक प्रणाली बनवली आहे. जे निकाल समितीने प्रामाणित केले ते गुण शाळांना भरायचे आहेत. यावर्षीचा निकाल ९ वी आणि १० वीचे गुण शाळांनी भरायचे आहे, त्यानंतर त्यावर विभागीय आणि क्षेत्रिय अधिकारी काम करतील. निकाल पारदर्शक असतील आणि त्यात बेबनाव होणार नाही याची दक्षता घेण्यात आली आहे. यामध्ये शिक्षकांनी काम चुकीचे काम केल्यास त्यासाठी शिक्षेची तरतुद देखील करण्यात आली आहे.” असेही अध्यक्ष पाटील यांनी सांगतिले.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.