मुंबई –भाजप आमदार नितशे राणे यांनी पुन्हा एकदा महाविकासआघाडी सरकारवर निशाणा साधला आहे. यातच लवकरच शाळा, सर्वसामान्यांसाठी लोकल सेवा सुरु करणार असल्याचे संकेत राज्य सरकारकडून देण्यात आले आहेत. राज्यातील अनलॉक प्रक्रीयेवरुन भाजप नेते नितेश राणे (BJP Leader Nitesh Rane) यांनी महाविकास आघाडी सरकारवर टीका करत काही सवाल उपस्थित केले आहेत. “हे सरकार नाक दाबल्याशिवाय काहीच करत नाही का?”, असा प्रश्न त्यांनी ट्विटच्या माध्यमातून विचारला आहे.

काल भाजपकडून मुंबईतील विविध रेल्वेस्थानकांवर दोन डोस घेतलेल्यांना लोकलने प्रवास करण्याची परवानगी दिली जावी, या मागणीसाठी आंदोलन करण्यात आले. त्यावर, राज्याचे पर्यावरणमंत्री आदित्य ठाकरे यांनी माध्यमांशी बोलताना दोन दिवसांत लोकल संदर्भात निर्णय होईल, अशी माहिती दिली होती. तर 17 ऑगस्टपासून शाळा सुरु होणार असल्याची माहिती शिक्षणमंत्री वर्षा गायकवाड यांनी दिली आहे. दरम्यान, राज्यातील 25 जिल्ह्यांमधील निर्बंध शिथिल करत दुकाने, जिम, व्यायामशाळा, ब्युटी पार्लर्स, योगा केंद्र रात्री 8 वाजेपर्यंत 50 टक्के क्षमतेने खुली ठेवण्यास परवानगी देण्यात आली आहे. मात्र मंदिरं खुली करण्याबाबत कोणताही निर्णय राज्य सरकारकडून घेण्यात आलेला नाही. त्यावरुनच दोन दिवसात लोकल चालू ..१७ ऑगस्ट पासून शाळा चालू ..मग दोन डोस घेतलेल्यांना मंदिर दर्शन का नाही ? हे सरकार नाक दाबल्या शिवाय काहीच करत नाही का ? हिंदूवर अन्याय करणे हा महाविकास आघाडीचा “किमान समान कार्यक्रम” झाला असल्याचे ट्विट करत भाजप नेते नितेश राणे यांनी महाविकास आघाडी सरकावर टीका केली आहे.

2 दिवसात लोकल चालू ..
17 ऑगस्ट पासून शाळा चालू ..
मग 2 डोस घेतलेल्यांना .. मंदिर दर्शन का नाही ???
हे सरकार नाक दाबल्या शिवाय काहीच करत नाही का ??
हिंदूवर अन्याय करणे हा महाविकास आघाडीचा “किमान समान कार्यक्रम” झाला आहे !!!

— Nitesh Rane (@NiteshNRane) August 7, 2021

तसेच, कोरोनाचा शिरकाव झाल्यापासून सरकारकडून सण उत्सवांसाठी नियमावली ठरवून दिली जात असून, याच मुद्यावरून भाजप आमदार नितेश राणे यांनी राज्य सरकारवर निशाणा साधला आहे. हिंदू समाज… हिंदू सण… हिंदू संस्कृतीवर नियोजित पद्धतीने हल्ले केले जात आहेत आणि तेही महाराष्ट्र सरकारच्या मदतीने… असंख्या घटना कानावर येत आहेत. पश्चिम बंगालसारखा मुंबईत राहणारा “हिंदू खतरे में है” असे सांगण्याची वेळ आल्याचे नितेश राणे म्हणाले आहेत.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.