नवी दिल्ली: करोना फैलावास केवळ आयोगच जबाबदार असून, आयोगाच्या अधिकाऱ्यांवर हत्येचा गुन्हा दाखल करायला हवा, अशा शब्दांत कोरोनाच्या बिघडलेल्या परिस्थिती दरम्यान मद्रास उच्च न्यायालयाने सोमवारी निवडणूक आयोगाला फटकारले होते. 2 मे रोजी मतमोजणीच्या दिवशी कोविड प्रोटोकॉल बनवण्यात यावेत आणि त्याचे पालन व्हावे. असे झाले नाही तर आम्हाला मतमोजणी पुढे ढकलावी लागेल असे सांगून निवडणूक आयोगाच्या वकिलांची न्यायालयाने कानउघाडणी केली.तसेच मतांच्या मतमोजणीच्या वेळी किंवा निकालानंतर कोणतीही मिरवणूक काढली किंवा साजरी केली जाणार नाही, असे त्यात नमूद केले आहे. निकालानंतर कोणताही उमेदवार आपले विजयी प्रमाणपत्र मिळविण्यासाठी केवळ दोनच लोकांसह जाऊ शकतो.

Election Commission of India bans all victory processions on or after the day of counting of votes, on May 2nd. Detailed order soon. pic.twitter.com/VM60c1fagD

— ANI (@ANI) April 27, 2021

दरम्यान, तामिळनाडू, केरळ, पुद्दुचेरी, आसाम आणि पश्चिम बंगालमधील विधानसभा निवडणुकांचे निकाल 2 मे रोजी येत आहेत. बंगालमध्ये 7 टप्प्यांत निवडणुका घेण्यात आल्या आहेत. शेवटच्या टप्प्यातील मतदान 29 मे रोजी होणार आहे. उर्वरित राज्यात निवडणुका झालेल्या आहेत.

कोरोनाच्या दुसर्‍या लाटेने एक धोकादायक रूप धारण केले आहे. अशा परिस्थितीत निवडणुकीच्या सभांमध्ये गर्दीबाबत सतत प्रश्न उपस्थित केले जात होते. बंगालमधील 7 व्या टप्प्यातील मतदानापूर्वी निवडणूक आयोगाने मोठ्या मोर्चा, रोड शो आणि पद यात्रांना मनाई केली होती. राजकीय पक्षांना व्हर्जुअल सभा घेण्याचे आवाहन केले.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.