मुंबई : भारतीय जनता पक्षाचे आमदार गोपीचंद पडळकर यांच्या गाडीवर सोलापुरातील मड्डी वस्ती परिसरात बुधवारी (ता. ३० जून) सायंकाळी दगडफेक झाली. दगडफेकीनंतर पडळकर आणखी आक्रमक झालेत. दगडफेक करणाऱ्यांना इशारा दिला – दगडच काय गोळी घातली तरी मी शांत बसणार नाही. यानंतर पडळकरांनी दगडफेक करणाऱ्या आरोपीसोबत रोहीत पवारांचा (Rohit Pawar) फोटो ट्विट करून राष्ट्रवादीवर टीका केली. दगडफेक करणारा तरुण हा राष्ट्रवादी काँग्रेसचा कार्यकर्ता असल्याचा आरोप भाजपकडून करण्यात येत आहे.

दुसरीकडे सोलापुरात संचारबंद लागू असतानाही आपत्ती व्यवस्थापन कायद्याचं उल्लंघन केल्याप्रकरणी आमदार गोपीचंद पडळकर यांच्यासह 10 ते 15 जणांवर गुन्हा दाखल करण्यात आला . सोलापूर पोलिसांनी भांदवि कलम 188, 336, 269 नुसार गुन्हा दाखल करण्यात आला आहे. गुन्हा दाखल झाल्यानंतर पडळकर यांनी संतप्त प्रतिक्रिया दिलीय. माझ्यावर गुन्हा दाखल करायचा असेल तर जरुर करा. पण मग हिंमत असेल तर पुण्यात हजारोंची गर्दी जमा करणाऱ्या अजित पवारांवरही गुन्हा दाखल करण्याची मागणी त्यांनी केली आहे .तर गोपीचंद पडळकर यांनी केलेले हे सुनियोजित कटकारस्थान आहे. राज्यातील जनतेला हा सर्व प्रकार माहीत आहे, असा आरोप राष्ट्रवादी काँग्रेसचे आमदार अमोल मिटकरी यांनी पडळकर यांच्यावर हल्याप्रकरणी प्रतिक्रया दिली आहे.

प्रस्थापितांचा बहुजनांवर हमला, पण अश्या भ्याड हल्ल्यानं बहुजनांचा आवाज ना काल दबला होता ना आज दबला आहे ना उद्याही दबेल…

घोंगडी बैठका सुरूच राहणार… pic.twitter.com/909jRWb389

— Gopichand Padalkar (Modi Ka Parivar) (@GopichandP_MLC) June 30, 2021

दरम्यान, गोपीचंद पडळकर यांच्या गाडीवर दगडफेक करणाऱ्या तरुणाचा व्हिडिओ समोर आला आहे. . अमित सुरवसे असं या तरुणाचं नाव आहे. ‘महाराष्ट्राचा बुलंद आवाज’ अशी घोषणा देत आरोपीने गाडीवर भला मोठा दगड टाकला आणि पळून गेला. पडळकरांच्या समर्थकांनी मोटारसायकलवर पाठलाग केला पण आरोपी पसार झाला. सोलापुरातील श्रीशैल्य नगर अक्क महादेवी मंदिर येथे ही दगडफेकीची घटना घडली. तो राष्ट्रवादी काँग्रेसचाच कार्यकर्ता असल्याचा आरोप करण्यात येत आहे.. शरद पवार, रोहित पवार यांच्यासोबतचे फोटोही समोर येत आहेत. गोपीचंद पडळकर यांनीही अमित सुरवसे याचा रोहित पवारांसोबतचा फोटो ट्वीट केला आहे . दरम्यान, अमित सुरवसेवरही गुन्हा दाखल करण्यात आला असून, तो अद्याप फरार असल्याचं सांगितलं जात आहे.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.