लॉकडाऊनच्या काळात गरजूंसाठी देवदूत म्हणून समोर आलेल्या अभिनेता सोनू सूदला कोरोनाची लागण झाली आहे. सोनूने स्वतः सोशल मीडियावर एक पोस्ट शेअर करत ही माहिती दिली आहे.सोनू सूद हा विलगीकरणात उपचार घेत आहे. सध्या त्याची प्रकृती नीट असल्याची माहिती मिळत आहे.

Actor Sonu Sood tests positive for COVID19, self-isolates

(file pic) pic.twitter.com/1vdZVGVhSX

— ANI (@ANI) April 17, 2021

‘नमस्कार मित्रांनो. माझी कोविड 19 ची चाचणी पॉझिटिव्ह आली आहे. त्यामुळे मी स्वतःला क्वारंटाइन केले आहे. काळजीची गोष्ट नाही. उलट आता माझ्याजवळ तुमच्या अडचणी सोडवण्यासाठी आणखी जास्त वेळ असेल,’ असे सोनू म्हणाला आहे. सोबतच कोणताही त्रास असला तरी मी कायम तुमच्यासोबत आहे, असा विश्वासदेखील त्याने आपल्या चाहत्यांना दिला आहे.

https://www.instagram.com/p/CNwmRibg_XC/?utm_source=ig_web_copy_link

व्यक्त केली होती चिंता

कोरोनाच्या दुस-या लाटेत रुग्णांची संख्या झपाट्याने वाढत आहे. वैद्यकिय व्यवस्था अपुरी पडत आहे. इंजेक्शन, बेड्स आणि औषधांचा तुटवडा निर्माण झाला आहे. कोरोनाच्या काळात आपल्याला मिळालेल्या धड्याबद्दल त्याने सांगितले आहे. ‘जर देश वाचवायचा असेल तर रुग्णालय बांधावे लागतील’, असे सोनूने म्हटले.अलीकडेच सोनू सूदने आपल्या सोशल मीडियावर सांगितले होते की, त्याने गरजूंना रेमडेसिवीर इंजेक्शन आणि इंदूरमधील गरजूंना 10 ऑक्सिजन सिलिंडर पाठविले आहेत.

महामारी की सबसे बड़ी सीख:

देश बचाना है
तो और अस्पताल बनाना है।

— sonu sood (@SonuSood) April 15, 2021

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.