पुणे: फेब्रुवारीत होणाऱ्या पुणे महानगरपालिकेच्या निवडणुकीत संपूर्ण ताकदीने उतारण्यासाठी मनसेने तयारी केली आहे. त्याच पार्श्वभूमीवर मनसे अध्यक्ष राज ठाकरे नाशिक, पुणे, ठाणे आणि मुंबईत पदाधिकाऱ्यांच्या भेटीगाठी घेत आहेत. तर आजपासून तीन दिवस राज ठाकरे पुण्याच्या दौऱ्यावर आहेत. 19, 20 आणि 21 असे तीन दिवस राज ठाकरे पुणे दौऱ्यावर आहेत.सकाळीच ९.३० च्या सुमारास राज ठाकरे नवी पेठेतील पक्षाच्या कार्यालयात दाखल झाले असतानाच त्यांनी केलेल्या एका वक्तव्यामुळे पत्रकारांमध्ये एकच हशा पिकला होता.

…अन् राज ठाकरेंनी मिष्किलपणे म्हटले, 'मी काय कुंद्रा आहे का?' pic.twitter.com/QSKp0WSv26

— Kaaltarang News Marathi (@kaaltarangnews) July 28, 2021

राज ठाकरे पुण्यातील मनसेच्या मध्यवर्ती कार्यालयात दाखल झाल्यानंतर सर्व पत्रकार, कॅमेरामन, फोटोग्राफर्सने त्यांचे फोटोज, व्हिडीओ घेण्यासाठी गर्दी केली होती. बराचवेळ फोटोग्राफर फोटोज क्लिक करत होते, हे पाहून राज ठाकरेंनी मिश्किल टिप्पणी केली. फोटोग्राफर्सकडे पाहून राज ठाकरेंनी हसत म्हटलं, सर्व आलं का कान.. नाक? किती वेळा तेच तेच, असं म्हणत ‘मी काय कुंद्रा आहे का?’, असं मिष्किल भाष्य राज ठाकरे यांनी केलं.

दरम्यान, पुणे महानगरपालिकेवर सध्या भाजपची सत्ता आहे. त्यापाठोपाठ राष्ट्रवादी, शिवसेना आणि काँग्रेस यांचेही बऱ्यापैकी नगरसेवक आहेत. पुणे महापालिकेत वसंत मोरे आणि साईनाथ बाबर हे दोनच नगरसेवक सध्या मनसेचे आहेत. त्यामुळे येत्या महापालिकेत नगरसेवकांचा आकडा वाढवण्याची तयारी मनसे करणार आहे. त्याच पार्श्वभूमीवर राज ठाकरे यांनी नुकताच पुण्यात तीन दिवस मुक्‍काम करून सर्व मतदारसंघातील पदाधिकारी, माजी नगरसेवक, प्रभागप्रमुख आदींशी चर्चा केली. त्यानुसार २८ ते ३० जुलै असा तीन दिवसीय दौरा निश्‍चित करण्यात आला आहे.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.