महाराष्ट्राचे मुख्यमंत्री उद्धव ठाकरे यांचा आज वाढदिवस आहे. मुख्यमंत्र्यांच्या वाढदिवसानिमित्त शिवसेनेचे राज्यसभा खासदार आणि पक्षाचे प्रवक्ते संजय राऊत यांनी एक व्हिडिओ शेअर केला आहे.या पार्श्वभूमीवर राऊत यांनी सोशल मीडियावर मुख्यमंत्री उद्धव ठाकरे यांच्याकडे देशाचे नेतृत्व करण्याची क्षमता असल्याचे म्हटले आहे.

संजय राऊतांनी आपल्या खास शैलीत शुभेच्छा देताना महाविकास आघाडीची स्थापना होत असताना उद्धव ठाकरे यांची काही वक्तव्ये तसेच त्यांचे अन्य विडिओ ट्विटमध्ये शेअर केले आहे. “अखंड साथ, अतूट नाते” राष्ट्राचे नेतृत्व करण्याची आपल्यात क्षमता आहे. तो दिवस लवकरच उगवेल,” अशा शब्दांमध्ये संजय राऊत यांनी मुख्यमंत्री उद्धव ठाकरे यांना शुभेच्छा दिल्या आहेत. ते राज्याचे नेतृत्व करत आहेत. मी त्यांना पंचेचाळीस वर्षे ओळखतो आहे. मुख्यमंत्री म्हणून ते लोकप्रिय आहेतच. मात्र या नेतृत्वाकडून भविष्यात राष्ट्राला देखील अपेक्षा आहेत, असे त्यांनी म्हटले आहे.

अखंड साथ.अतूट नाते.
राष्ट्राचे नेतृत्व करण्याची क्षमता आपल्यात आहे..तो दिवस लवकरच उगवेल..
आपणास वाढदिवसानिमित्त मनःपूर्वक शुभेच्छा!@OfficeofUT pic.twitter.com/brQEcwDo3T

— Sanjay Raut (@rautsanjay61) July 27, 2021

ते म्हणाले, हे माझं म्हणणं मी आज पुन्हा अधोरेखित करतो. राष्ट्राला सुद्धा संयमी, प्रखर राष्ट्रवादी, हिंदुत्ववादी नेतृत्वाची गरज लागली तर ते नेतृत्व करण्यास उद्धव ठाकरे सक्षम आहेत आणि ते करतील याची मला खात्री आहे.

राऊत यांच्या या वक्तव्यानंतर राष्ट्रवादी काँग्रेसचे सर्वेसर्वा शदर पवार यांनी टिप्पणी केली आहे. जर महाराष्ट्र राज्यातून कोणी पंतप्रधान होत असेल तर मला अतिशय आंनद होईल असे पवार यांनी सांगितले आहे. दरम्यान, वाढदिवस साजरा करू नका, असे आवाहन मुख्यमंत्री उद्धव ठाकरे यांनी केले.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.