मुंबई : आषाढी एकादशीनिमित्त मंगळवारी पहाटे श्री विठ्ठल – रुक्‍मिणीची शासकीय महापूजा (Mahapuja pandharpur-temple) मुख्यमंत्री उद्धव ठाकरे (Uddhav Thackeray) आणि त्यांच्या पत्नी रश्‍मी ठाकरे (Rashmi Thackeray) यांच्या हस्ते करण्यात आली. मुख्यमंत्री उद्धव ठाकरे सोमवारी दुपारी दोनच्या सुमारास त्यांचे निवासस्थान मातोश्रीवरून पंढरपूरकडे रवाना झाले . त्यावेळी त्यांची पत्नी रश्मी ठाकरे आणि पुत्र आदित्य ठाकरे त्यांच्यासोबत होते. मुख्यमंत्री स्वत: गाडी चालवत पंढरपूरच्या जवळपास पोहचले . खराब हवामान आणि मुसळधार पाऊस असल्यामुळे मुख्यमंत्र्यांनी रस्ते मार्गानेच पंढरपूरला जाण्याचा निर्णय घेतला.

स्वत: आठ तास गाडी चालवून पंढरपूरला पोचल्यानंतर त्यांनी पालकमंत्र्यांसोबत विकासकामांची आढावा बैठक घेतली. यासाठी त्यांच्यावर कौतूकाचा वर्षाव केला जात आहे. याआधी उद्धव ठाकरे यांनी केलेल्या एका कामगिरीने सर्वांचे मन जिंकली आहेत. प्रवासादरम्यान मुख्यमंत्र्यांचा ताफा पंढरपूरच्या पंचक्रोषीमध्ये असणाऱ्या करंबक गावाजवळ आला. त्यावेळी या गावाजवळ दोन दुचाकीस्वरांचा अपघात झाल्याची माहिती त्यांना मिळाली. त्यानंतर उद्धव ठाकरे यांनी तातडीने आपल्या ताफ्यातील सुरक्षा रक्षकांची एक वाहन आणि रुगणवाहिका या तरुणांच्या मदतीसाठी पाठवली. रुग्णवाहिका वेळेवर मिळाल्याने दोन्ही तरूणांचे प्राण वाचले आहेत.

नीलम गोऱ्हे यांचे ट्वीट-

#आतुरता पुन्हा विठ्ठल दर्शनाची..
*जनतेची काळजी असणारे कुटुंबप्रमुख मुख्यमंत्री@CMOMaharashtra
पंढरपूरला महापुजेसाठी जात असतांना कुरकंब गावाजवळ २ बाईक स्वारांचा भीषण अपघात झाल्याचे कळाल्यावर स्वतःच्या ताफ्यातील रुगणवाहिका त्यांच्या मदतीसाठी देण्याचे आदेश दिले..संवेदनशील CM 🙏💐 pic.twitter.com/gf5esutbsa

— Dr Neelam Latika Diwakar Gorhe (@neelamgorhe) July 19, 2021

तसेच शिवसेना नेत्या आणि विधान परिषदेच्या उपसभापती डॉ. नीलम गोऱ्हे यांनी ट्विट करून यासंदर्भात माहिती दिली आहे. या ट्विटमध्ये त्यांनी उद्धव ठाकरे यांनी संवेदनशील मुख्यमंत्री असे म्हटले आहे. उद्धव ठाकरे यांच्या या कामगिरीचे संपूर्ण महाराष्ट्रातून कौतूक होत आहे.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.