अमरावती : महाराष्ट्रातील अमरावती जिल्ह्यातील तिवसा शहरात शनिवारी रात्री उशिरा अज्ञात हल्लेखोरांनी शिवसेना पक्षप्रमुख अमोल पाटील यांची हत्या केली. रविवारी तिवसा पोलिसांनी 4 आरोपींना अटक केली आहे. या हत्येने सध्या अमरावती (Amaravati) मध्ये एकच खळबळ उडाली आहे. अमोल पाटील यांच्या आशीर्वाद वाईन बारसमोर डोळ्यात मिरचीपूड टाकून हत्या करण्यात आल्याचा धक्कादायक प्रकार समोर आला आहे. दरम्यान ही घटना शनिवार, 26 जून रात्री 10.30 च्या सुमारास घडली आहे. दरम्यान अमोल वर 2 वर्षांसाठी तडीपारीची नोटीस होती.

मीडीया रिपोर्ट्सनुसार, अमोल पाटील काही मित्रांसोबत राष्ट्रीय महामार्गाजवळ असलेल्या एका वाईन बार जवळ काल रात्री आले. बार बंद असल्याने ते जवळच बसले होते. काही वेळातच 5 जण त्याच्या जवळ आले आणि त्यांनी डोळ्यात मिरचीची पूड टाकली. संधी साधून अमोल पाटील यांच्यावर सपासप वार करून आरोपींनी तेथून पळ काढला. यामध्ये अमोल पाटीलचा जागीच मृत्यू झाला.

अमरावती पोलिसांनी रात्रीच चार जणांना अटक केली आहे तर एकाचा शोध सुरू आहे. घटनास्थळी पोहचून पोलिसांनी पंचनामा नोंदवून घेतला आहे. वर्दळीच्या रस्त्यावर अशाप्रकारे खून झाल्याने शहरातील कायदा व सुवस्था बाबत देखील आता प्रश्न उभे राहिले आहेत.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.