मुंबई : मुंबई उच्च न्यायालयाने मुंबईचे माजी पोलीस आयुक्त आणि वरिष्ठ आयपीएस अधिकारी परमबीर सिंग (Param Bir Singh) यांना 9 जूनपर्यं (Bombay High Court) मोठा दिलासा दिला आहे. ९ जूनपर्यंत ॲट्रॉसिटीच्या प्रकरणात अटक करणार नाही, आज अशी ग्वाही राज्य सरकारच्या वतीने मुंबई उच्च न्यायालयामध्ये (Bombay HC) देण्यात आली आहे. न्यायमूर्ती एस.एस. शिंदे आणि न्यायमूर्ती नितीन बोरकर यांच्या सुट्टीकालीन न्यायालयापुढे आज यावर ऑनलाईन सुनावणी झाली.

मात्र तो पर्यंत परमबीर सिंह यांनी देखील तपास यंत्रणेला सहकार्य करण्याचे आदेश दिले आहेत. दरम्यान आता कोर्टाच्या उन्हाळी सुट्ट्या असल्याने त्या संपल्यानंतर 15 दिवसांच्या ब्रेकने या प्रकरणाची पुढील कारवाई सुरू केली जाईल .

पोलिस इन्स्पेक्टर भीमराव घाडगे (Police Inspector Bhimrao Ghadge) यांनी परमबीर सिंह यांच्याविरोधात FIR दाखल केली आहे. त्यांच्या आरोपानुसार, परमबीर सिंह यांनी आपल्याला मानहानीकारक वागणूक दिली, त्यांच्याविरोधात खोटे गुन्हे दाखल केले, आणि जातीवाचक शिवीगाळ करत मानसिक छळ केला. दरम्यान सिंह यांनी हे आरोप फेटाळून लावत एफआयआर रद्द करण्यासाठी कोर्टात धाव घेतली आहे. ही तक्रार 20215 ची असून आता त्यावर गुन्हा दाखल होत असल्याने अनेक उलट सुलट चर्चांना उधाण आलं आहे. दरम्यान परमबीर सिंह यांची बाजू कोर्टात वकील महेश जेठमलानी यांच्याकडून मांडली जात आहे.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.