नवी दिल्ली : पश्चिम बंगालमधून मोठी बातमी समोर येत आहे. शोभनदेव चटर्जी यांनी भवानीपूर येथील मतदारसंघातून आपल्या आमदारपदाचा राजीनामा दिला आहे. त्यांनी शुक्रवारी (21 मे) सभापती बिमान बॅनर्जी यांना आपला राजीनामा सादर केला. त्यांच्या जागी ममता बॅनर्जी पोटनिवडणूक लढवतील. 

त्याच वेळी, पश्चिम बंगाल विधानसभेचे अध्यक्ष बिमान बॅनर्जी यांनी म्हटले, मी त्यांना विचारले की त्यांनी स्वेच्छेने आणि कोणत्याही दबावाशिवाय राजीनामा दिला आहे का? यावर मी समाधानी आहे असे म्हटल्यावर मी त्यांचा राजीनामा स्वीकारला आहे. ‘ अशी त्यांनी म्हटले आहे.

विधानसभा निवडणुकीत ममतांनी भवानीपूर मधून आपली जागा सोडली आणि शुभेंदू अधिकारी यांच्या विरोधात नंदीग्राम येथुन निवडणूक लढविली, त्यात त्यांना पराभवाला सामोरे जावे लागले. दरम्यान , सूत्रांचा माहितीनुसार टीएमसी शोभनदेव चट्टोपाध्याय यांना राज्यसभेवर पाठवू शकते.

West Bengal | TMC's Sovandeb Chatterjee resigns as MLA from Bhawanipore

"I have enquired from him if he has resigned voluntarily and without coercion. I am satisfied, and I have accepted his resignation," says West Bengal Assembly Speaker Biman Banerjee pic.twitter.com/qJtScYHUnO

— ANI (@ANI) May 21, 2021

कलम 164 नुसार, ‘मुख्यमंत्री सहा महिन्यांपर्यंत विधानसभेचे किंवा विधानमंडळाचे सदस्य नसल्यास मुख्यमंत्री मुख्यमंत्रिपदावर राहू शकत नाहीत.’ बंगालमध्ये विधानपरिषद नाही, म्हणून ममता बॅनर्जी यांना कोणत्याही जागेवरुन 6 महिन्यांत उमेदवारी अर्ज दाखल करून निवडणूक जिंकणे अनिवार्य आहे. पोटनिवडणूक जिंकून त्यांना आमदार व्हावेच लागेल.

नितीश कुमार, योगी आदित्यनाथ आणि उद्धव ठाकरे हे तीन सर्वाधिक लोकसंख्या असलेल्या राज्यांच्या मुख्यमंत्र्यांनी विधानसभेच्या निवडणुका जिंकल्या नाहीत. हे तिघेही आपापल्या राज्यांच्या विधानसभेऐवजी विधानपरिषदेचे सदस्य आहेत. नितीशकुमार हे एकमेव मुख्यमंत्री आहेत ज्यांनी 36 वर्षांपूर्वी विधानसभा निवडणूक लढविली.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.