नवी दिल्ली : पंतप्रधान नरेंद्र मोदी आज गुजरात आणि दीव येथे भेट देऊन तौकते चक्रीवादळामुळे झालेल्या नुकसानीचा आढावा घेणार आहेत. सकाळी 9.30 वाजता ते दिल्लीहून रवाना होणार आहेत. भावनगरला पोहोचल्यावर तेथून उना, दीव, जाफराबाद आणि महुवाचे हवाई सर्वेक्षण करतील. तेथून परत आल्यावर अहमदाबादमध्ये एक आढावा बैठक घेणार आहेत. गुजरातमध्ये ‘तौकते’ चक्रीवादळामुळे कमीत-कमी 13 जणांचा मृत्यू झाला, तर वादळामुळे बर्‍याच भागांत मुसळधार पावसामुळे मोठे नुकसान झाले आहे.

Gujarat | Prime Minister Narendra Modi arrives at Bhavnagar

"He will conduct an aerial survey of the areas of Amreli, Gir Somnath and Bhavnagar districts hit by #CycloneTauktae," says CM Vijay Rupani

(Photo source: CM Vijay Rupani) pic.twitter.com/gaRJx2Sxdb

— ANI (@ANI) May 19, 2021

गुजरातेत मुसळधार पाऊस आणि वादळी वाऱ्यांमुळे नुकसान

कमकुवत होण्याआधी सोमवारी रात्री उशिरा गुजरातमध्ये तौकते चक्रीवादळामुळे जोरदार पाऊस पडला आणि या कालावधीत वेगवान वादळाने कित्येक खांब आणि झाडे उन्मळून पडली. घरांचे तसेच रस्त्यांचेही मोठे नुकसान झाले. हवामान खात्याने सांगितले की, तौकते चक्रीवादळ मध्यरात्रीच्या सुमारास गुजरातच्या किनारपट्टीवर “अत्यंत गंभीर चक्रीवादळ” होते. कमकुवत होत हळूहळू “तीव्र चक्रीवादळ वादळा”मध्ये बदलले आणि आता ते “चक्रीवादळ” बनले आहे.

Undertook an aerial survey over parts of Gujarat and Diu to assess the situation in the wake of Cyclone Tauktae. Central Government is working closely with all the states affected by the cyclone. pic.twitter.com/wGgM6sl8Ln

— Narendra Modi (@narendramodi) May 19, 2021

गुजरातमध्ये 13 जणांचा मृत्यू

राज्याचे मुख्यमंत्री विजय रुपाणी म्हणाले की, 16 हजारांहून अधिक घरांचे नुकसान झाले आहे. 40 हजारांहून अधिक झाडे आणि 70 हजारांहून अधिक विजेचे खांब उखडले गेले आहेत. तर 5951 गावांत वीज गुल आहे. चक्रीवादळामुळे अधिकृत मृत्यूचा आकडा 13 आहे. अधिकाऱ्यांनी सांगितले की, या चक्रीवादळाची तीव्रता कमी झाली असली तरी या वादळाने मोठे नुकसान केले आहे. यात भावनगर, राजकोट, पाटण, अमरेली आणि वलसाडसह गुजरातच्या विविध भागांत कमीतकमी 13 जणांचा बळी गेला. गुजरातमधील वेरावल बंदराजवळ चक्रीवादळामुळे समुद्रात अडकलेल्या मासेमारी बोटीतून तटरक्षक दलाने मंगळवारी आठ मच्छीमारांची सुटका केली.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.