मुंबई : माजी मुख्यमंत्री आणि विधानसभेतील विरोधी पक्षनेते देवेंद्र फडणवीस यांनी सोनिया गांधी यांना ए पत्र पाठविले आहे. या माध्यमातून त्यांनी कॉंग्रेसला विधायक विरोधी पक्षाची भूमिका बजावण्याचा सल्ला दिला आहे. या पत्राचा एक प्रमुख भाग म्हणजे कॉंग्रेसच्या पाठिंब्याने तयार झालेले महाराष्ट्र सरकार राज्यातील कोरोना साथीच्या रोगाचा सामना करण्यास अपयशी ठरले आहे. तसच केंद्रावर टीका करताना जरा महाराष्ट्रातील गंभीर परिस्थितीबद्दलही बोला, असेच त्यांनी सोनियांना सुचविले आहे.

सोनिया गांधींना पाठविलेल्या पत्रात फडणवीस म्हणतात की,

आदरणीय श्रीमती सोनिया गांधीजी,

आशा आहे की तुम्ही निरोगी आणि कार्यक्षम व्हाल. आपल्याशी पत्रव्यवहार करण्याचे काही खास कारण आहे. नुकतीच मी पंतप्रधान श्री नरेंद्र मोदी यांना पाठवलेली आपली काही पत्रे आणि कॉंग्रेस नेत्यांची विधाने वाचण्यात आली. कदाचित काही मुद्दे तुमच्या लक्षात आणले गेले नाहीत, असे मला वाटते. त्या गोष्टी तुमच्या समोर ठेवण्याने या पत्राचे औचित्य सिद्ध होते.

कित्येक महिन्यांपासून, आपल्या सर्वांनाच कोरोनाचा साथीचा त्रास सहन करावा लागला आहे. अशा परिस्थितीत देशाच्या राज्यावर अनेक प्रश्न उपस्थित झाले. या महामारीच्या संदर्भात आपण जर संपूर्ण देशाच्या परिस्थितीचा विचार केला तर महाराष्ट्रातील परिस्थितीकडे अजिबात दुर्लक्ष करता येणार नाही हे तुमच्या लक्षात येईल.

त्यामुळे महाराष्ट्रातील स्थिती सुधारली, तर केंद्र सरकारच्या संसाधनांवरील ताण कमी होईल आणि देशातील कोरोनाचा लढा अधिक ताकदीने लढता येईल, याच्याशी आपण सहमत असालच. आज महाराष्ट्राला केंद्रातून सर्वाधिक मदत दिली जाते आहे, ज्यात १.८० कोटी वॅक्सिन्स, ८ लाखांहून अधिक रेमडेसिवीर, १७५० मेट्रीक टन ऑक्सिजन, कितीतरी वेंटिलेटर्स, बायपॅप आणि ऑक्सिजन काँन्स्ट्रेटर्सचा समावेश आहे. असे असले तरी काही लोकांना मोदींवर टीका करणे, हे त्यांच्या राजकारणाचे अंतिम लक्ष्य वाटते.

कधीकधी लॉकडाऊन हा उपाय असतो, पण, असे करताना गरिब, उपेक्षित, शेतकरी यांना पॅकेज देणे अपेक्षित असते. ÷अनेक छोटे राज्य मदत देत असताना महाराष्ट्रात मात्र अर्थसंकल्पीय आकड्यांची पॅकेजमध्ये बनवाबनवी करण्यात आली आहे. आपली प्रतिमा सुधारण्यासाठी समाजमाध्यमांचे टेंडर जारी केले जातात, पण, गरिबांना मदत मिळत नाही. असे असताना सुद्धा आम्ही रचनात्मक विरोधी पक्षाच्या भूमिकेत आहोत. संकटात सूचना करणे हे विरोधी पक्षाचे कामच असते.

पण, नकारात्मक वातावरणाची निर्मिती होणार नाही, याचीही काळजी घेतली जाणे आवश्यक असते. केंद्र सरकारवर टीका करताना काँग्रेसची किंवा काँग्रेसच्या पाठिंब्यांनी चालणार्‍या सरकारांना सुद्धा सल्ला देणे हे काम सुद्धा सोनिया गांधींनी केले पाहिजे, असे फडणवीस यांनी म्हटले आहे. आज संपूर्ण जग मोदींच्या प्रयत्नांकडे विश्वासाने पाहते आहे. त्यामुळे जगातील अनेक देश मदत देण्यासाठी पुढे आले आहेत. भारतीय वॅक्सिनला नाकारणारा काँग्रेस पक्ष आज त्यावरच राजकारण करताना दिसून येतो. खरे तर वॅक्सिनचे उत्पादन वाढते आहे. ऑगस्ट ते डिसेंबर या काळात २१६ कोटी वॅक्सिन उपलब्ध होणार आहेत. अर्थात भारतीय वॅक्सिनबाबतीत काँग्रेसचा विश्वास वाढतोय, ही अतिशय आनंदाची बाब आहे. या संकटात केवळ राजकारण न करता काँग्रेस पक्ष एका रचनात्मक विरोधी पक्षाची भूमिका वठवेल,” अशी अपेक्षा व्यक्त करताना ‘ये पब्लिक है, सब जानती है’, याचे स्मरण सुद्धा देवेंद्र फडणवीस यांनी करून दिले आहे.

My letter to @INCIndia President Smt Sonia Gandhi ji..
कांग्रेस अध्यक्षा मा. श्रीमती सोनिया गांधी जी इन्हें मेरा पत्र.. pic.twitter.com/lLOH1AAF33

— Devendra Fadnavis (Modi Ka Parivar) (@Dev_Fadnavis) May 15, 2021

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.