मुंबई : कोरोनामुळे संसर्गात झपाट्याने वाढत होत असून ऑक्सिजनची कमतरता भासत आहे, यावरुन पुन्हा एकदा आरोग्यमंत्री राजेश टोपे यांनी केंद्राकडे लस आणि ऑक्सिजन पुरवठ्याची मागणी केली आहे. “45 वर्षांवरील सुमारे 4 लाखांहून अधिक नागरिक कोविड-19 लसीच्या दुसऱ्या डोसच्या प्रतिक्षेत आहेत. परंतु, आम्हाला कोवॅक्सिनचा पुरवठा होत नाहीये. जर आम्हाला लसींचा पुरवठा झाला नाही तर 18-44 वयोगटातील नागरिकांसाठी देण्यात आलेल्या लसी 45 वर्षांवरील नागरिकांना द्याव्या लागतील,” अशी चिंता टोपे यांनी व्यक्त केली आहे.

टोपे म्हणाले , बहुतेक औषधी कंपन्या रेमेडीसवीरची निर्धारित प्रमाणात राज्यात पुरवठा करीत नाहीत. केंद्र सरकारने प्रत्येक राज्यासाठी रेमेडिसिव्हर मेडिसिनचा कोटा निश्चित केला आहे. असे असूनही, बहुतेक फार्मास्युटिकल कंपन्या महाराष्ट्रासाठी निश्चित केलेल्या कोट्यानुसार औषध पुरवठा करत नाहीत. केंद्रसरकारकडून मिळालेल्या रेमेडीसवीर औषधाच्या एकूण कुपींपैकी केवळ ५२ हजार कुपी महाराष्ट्रात प्राप्त झाल्या आहेत. महाराष्ट्र शासनाने त्याच्या निर्धारित कोट्यानुसार रेमेडिसिव्हर औषध मिळावे याची काळजी घेणे ही केंद्र सरकारच्या फार्मास्युटिकल विभागाची जबाबदारी असल्याचे टोपे यांनी म्हटले आहे..

तसंच त्यांनी ऑक्सिजन पुरवठ्याची देखील मागणी केली आहे. “आम्हाला 1700 मेट्रिक टन ऑक्सिजनची आवश्यकता असून केंद्र सरकारने आम्हाला त्याचा पुरवठा करावा. आम्हाला दोन दिवसांत 9 लाख लसी मिळाल्या असून आतापर्यंत 8 लाख लसी देण्यात आल्या आहेत. त्यामुळे अधिकाधिक लसी केंद्राने द्याव्यात,” अशी विनंतीही त्यांनी यावेळी केली.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.