नवी दिल्ली: कोरोनाच्या बिघडत्या परिस्थितीला तोंड देण्यासाठी दिल्लीचे मुख्यमंत्री अरविंद केजरीवाल यांनी एक मोठी घोषणा केली आहे. मुख्यमंत्री केजरीवाल यांनी आदेश दिले आहे की दिल्लीतील कोरोनाची स्थिती दिवसेंदिवस चिंताजनक बनत चालली आहे. त्या पार्श्वभूमीवर हा निर्णय घेण्यात आलाय. केजरीवाल यांनी घेतलेल्या निर्णयानुसार दिल्लीमध्ये शुक्रवारी रात्री १० वाजेपासून ते सोमवारी सकाळी ६ पर्यंत हा विकेंड कर्फ्यू लागू असणार आहे.या दरम्यान ते म्हणाले की दिल्लीतील मॉल, जिम, स्पा सर्व बंद पडतील. मुख्यमंत्री म्हणाले की आवश्यक कामांसाठी कर्फ्यू पास लोकांना दिले जातील. केजरीवाल यांनी आपल्या घोषणेत म्हटले आहे की, सिनेमा हॉल 30 टक्के क्षमतेसह खुले राहू शकतात. केजरीवाल म्हणाले की, साप्ताहिक बाजारात होणारी गर्दी थांबविण्यासाठी विशेष व्यवस्था केली जात आहे.

दिल्लीतील वाढत्या कोरोनाच्या पार्श्वभूमीवर अरविंद केजरीवाल यांनी दिल्लीचे नायब राज्यबाल अनिल बैजल यांच्यासोबत सकाळी ११ वाजता बैठक घेतली. त्यानंतर केजरीवाल यांनी दुपारी १२ वाजता केजरीवाल यांनी आरोग्यमंत्री, दिल्लीचे मुख्य सचिव आणि वरिष्ठ अधिकाऱ्यांसोबत चर्चा करुन विकेंड कर्फ्यूचा निर्णय घेतलाय. मुख्यमंत्री अरविंद केजरीवाल यांनी दिलेल्य माहितीनुसार दिल्लीतील रुग्णालयांमध्ये बेडची कमतरता नाही. आजही दिल्लीत ५ हजार बेड शिल्लक असल्याचा दावा केजरीवालांनी केला आहे.

जाणून घ्या दिल्लीत लॉकडाउनमध्ये काय चालू आणि काय बंद

केवळ आपत्कालीन सेवांना शनिवार व रविवार लॉकडाउनमधून सूट दिली जाईल.
लग्न आणि इतर उत्सवांना उपस्थित राहण्यासाठी कर्फ्यू पास देण्यात येईल.
जिम, पूल आणि मॉल बंद राहतील.
सिनेमा हॉल 30 टक्के क्षमतेसह उघडेल.
आठवड्यातून त्याच दिवशी आठवड्यातच झोन झोनमध्ये बाजारपेठा उघडतील.
रेस्टॉरंटमध्ये खाण्याची सोय होणार नाही. पॅकिंग आणि होम डिलिव्हरी सुरू राहील.

दरम्यान, राजधानी दिल्लीत गेल्या २४ तासांत १७ हजार २८२ नवे कोरोना रुग्ण आढळून आले आहेत. दिल्लीतल कोरोनाच्या संसर्गाची टक्केवारी वाढून १५.९२ टक्क्यांवर पोहोचली आहे. संसर्गाची टक्केवारी वाढण्यासाठी कोरोनामुळे होणाऱ्या मृत्यूची संख्याही शंभरच्या वर गेली आहे. बुधवारी १०४ रुग्णांचा कोरोनामुळे मृत्यू झालाय. मंगळवारी १३ हजार ४६८ नवे रुग्ण आढळून आले होते. दिल्लीमध्ये कोरोना रुग्णांची संख्या ज्या प्रमाणात वाढत आहे. त्याच प्रमाणात मृतांची संख्याही दिवसेंदिवस वाढत आहे.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.