पंढरपूर : पंढरपूर-मंगळवेढा पोटनिवडणूक राज्यात सध्या चांगलीच गाजत आहे. भाजप आणि राष्ट्रवादीसाठी ही लढत अत्यंत प्रतिष्ठेची बनली आहे. उपमुख्यमंत्री अजित पवार यांनी आपल्या एका प्रचारसभेत भाजप आमदार गोपीचंद पडळकर यांची चांगलीच खिल्ली उडवली होती.

या टिकेस राष्ट्रवादी काँग्रेसचे मावळ मतदारसंघाचे लोकप्रिय आमदार सुनिल आण्णा शेळके यांनी चांगलेच प्रत्युत्तर दिले आहे.भाजपने अनेक डुप्लीकेट कलाकारांना केवळ राष्‍ट्रवादी आणि पवार कुटुंबावर टीका करण्यासाठी पक्षात प्रवेश दिला आहे,महाराष्ट्रातील पन्नास वर्षाहून अधिक काळ काम केलेल्या नेत्यांबद्दल आक्षेपार्ह विधाने करणाऱ्या आ.गोपीचंद पडळकरांनी स्वतःची पात्रता तपासून बोलावे अशी टोला लगावत आमदार गोपीचंद पडळकर यांना ‘गल्लीत गोंधळ दिल्लीत मुजरा’ या चित्रपटातील मकरंद अनासपुरे यांची उपमा देत त्यांच्यावर सडकून टीका देखील यावेळी त्यांनी केली.

काय म्हणाले होते गोपीचंद पडळकर

दरम्यान , गोपीचंद पडळकरांनी अजित पवारांना प्रत्युत्तर दिलं ‘असली टगेगिरीची भाषा अजित पवारांना शोभत नाही. बोलायचं टग्यासारखं आणि रडायचं बाईसारखं अशी अजित पवारांची गत आहे’, (ED) नोटीस आल्यानंतर तुम्हाला राज्याने रडताना पाहिलेले आहे. अजित पवारांचे सगळे राजकारणच चुलत्यांच्या जीवावर आहे. पण आमचे राजकारण हे बारा बलुतेदार आणि गोरगरिबांच्या पाठींब्यावर आहे’, असा जोरदार टोला गोपीचंद पडळकरांनी अजित पवारांना लगावला होता.

काय म्हणाले होते अजित पवार

अजित पवार यांनी कासेगावच्या सभेत पडळकरांवर टीका केली होती. ते म्हणाले होते की, “सध्या एक नेता तुमच्याकडे जोरदार भाषणे करत फिरतोय, त्याचे डिपॉझिट सुद्धा त्याला बारामतीमध्ये वाचवता आलं नव्हतं आणि आता हा कोणाच्या तोंडाने मतं मागतोय? ज्याला स्वतःचे डिपॉझिट वाचवता आलं नाही तो तुम्हाला सल्ले देतोय.यावर चांगलेच राजकारण तापलेले दिसून येत आहे.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.