मुंबईः महाराष्ट्रात एका दिवसांत ५५,४६९ नव्या कोरोना रुग्णांची नोंद झाली तसेच दिवसभरात २९७ कोरोना रुग्णांचा मृत्यू झाला. .सध्या राज्यातील मृत्यूदर १.८१% एवढा आहे.त्यामुळे सरकार कडून कोविड 19 नियमावलीचं पालन करण्यासोबतच कोविड 19 च्या संक्रमणाला रोखण्यासाठी लसीकरण मोहिमेमध्ये सहभागी होण्याचं आवाहन करण्यात आले आहे. लसीकरणासोबतच सध्या सर्वत्र होत असलेला कोरोना रूग्णांचा विस्फोट पाहता नागरिकांनी काळजी घेणं आवश्यक आहे, अनावश्यक गर्दीची ठिकाणं टाळा आणि स्वयंशिस्त पाळा असेही महापौरांनी बजावलं आहे.सोसायट्यांमध्येही कोरोना रूग्ण आढळल्यास त्या सोसायटींच्या सेक्रेटरी, अध्यक्ष यांनी जबाबदारी घेत मजला सील करण्यात पुढाकार घेण्याचं आवाहन महापौर पेडणेकर यांनी म्हटलं आहे.

पण आता मुंबई मध्ये कोविड 19 लसीचा तुटवडा निर्माण होत असल्याचं चित्र असल्याची माहिती मुंबईच्या महापौर किशोरी पेडणेकर यांनी केले आहे. दरम्यान पुढील काही दिवसांत खाजगी, सरकारी लसीकरण केंद्रांवर नागरिक गेले आणि तेथे लस नसेल तर पुन्हा त्यांना केंद्रांवर आणणं कठीण होईल तसेच दुसरा डोस देणं देखील अनिवार्य असल्याने त्याचे नागरिकही खोळंबले असल्याचं पेडणेकरांनी सांगितलं आहे.

दरम्यान , आरोग्यमंत्री राजेश टोपे (Rajesh Tope) यांनी 14 लाख लसी उपलब्ध आहेत. हा तीन दिवसांचा स्टॉक आहे. तीन दिवसांनी लसीकरण (Vaccination) ठप्प होईल. दर आठवड्याला ४० लाख लसीचा पुरवठा केला पाहिजे. त्यामुळे तात्काळ केंद्र सरकारने लसीच्या डोसचा पुरवठा वाढवावा असे म्हटलं आहे. काल केंद्रीय आरोग्य मंत्रालायासोबत त्याबाबत चर्चा देखील झाल्याचं म्हटलं आहे.अनेक ठिकाणी लस नाही, अनेक जिल्ह्यात लस नाही म्हणून केंद्र बंद करावी लागत आहेत. या परिस्थिती कुणीच राजकारण करू नये असे आवाहन देखील त्यांनी केले.मुंबई मध्ये बीएमसी कडून 108 केंद्रांवर लसीकरण सुरू असून खाजगी हॉस्पिटल्सकडून देखील लसीकरण केले जात आहे. सध्या 45 वर्षांवरील नागरिकांना सरसकट लस दिली जात आहे तर मुख्यमंत्री उद्धव ठाकरे यांनी आता ही वयाची अट 25 वर्षांपर्यंत खाली आणण्याचं आवाहन केले आहे.

बातम्यांच्या संबंधित सर्व बातम्यांसाठी आम्हाला फेसबुक, ट्विटर, यूट्यूबवर फॉलो करा.